cikin rauni “Ga abin da Noor ta ajiye—wannan jakar ajiyerinta ce ka karɓa, "




Bashir ya ɗauki jakar da hannu mai rawa. Ya bude ta a hankali; a ciki akwai ƙananan abubuwa ne — zobe na zinariya, wata ƙanana hoton Ummu Kulsum da Noor a lokacin farin ciki, mayafi, da wata wasiƙa mai tsufa wadda aka rubuta da kalaman soyayya da alƙawari. Idon Bashir ya yi jaƙeƙe, tare da goyon da da SUHAYL hawaye suka taru a gefensa , A hankali ya dora jakar a gabansa, ya miƙa hannu ya riƙe hannun NOOR murya tasa ta zamo mai laushi “Na gode… Na alƙawarta zan kula da wannan amanar. Ba zan bari ta ɓace ba.”


Sagir ya leka da idanu, ya gyada kai, sai ya ce:
“Safiyar gobe za a turo mota. Za mu kwashe ku zuwa asibiti da zarar an shirya — mu ga yanayin jikin nasu , mu tabbatar da cewa kun samu taimako, sannan mu tsara gaba. Ai muna jiran abin da zai fito daga takardun nan.”


Bashir ya saki numfashi mai nauyi, ya dage da cewa:
“To, mu huta yanzu. Gobe ne za mu tashi da karfin zuciya. Wannan amanar Noor, za ta kasance a hannun mu "






Kowa ya yi shiru, sai ƙanƙanin numfashi da hawaye sun cika ɗakin. Amma a zuciyarsu akwai sabon fata: safiyar gobe zata kawo tafiyar da za ta tafi da su zuwa asibiti, kuma wata rana zuwa ga gaskiyar da ke cikin waɗannan takardu.





Washegari da safe, garin Rimi ya farka cikin wani irin motsi da bai saba gani ba. Hasken safiya na fitowa a hankali daga gabas, amma a cikin gidan tsohon Mallam Audu, duhu da natsuwa suka lullube komai.


Mommy, Daddy, Sagir da Khady duk sun shirya tare da Bashir, suna ƙoƙarin lallasar tsohon nan da Baaba su tashi su biyo su zuwa birni don a kula da su a asibiti. Amma Mallam Audu ya girgiza kai cikin rawar murya, yana cewa:
“Ba inda zamu tafi mun isa nan, mun gama. ku bar mu mu mutu cikin tunanin rayuwar mu. Abin da muka shuka, shi muka girba…”
Baaba ta yi dariyar ta cikin tsoro, wadda ta fi kuka ciwo. Ta ce da karfin hali amma muryarta na rawa:
“Ku bar mu nan ku tafi da kuɗin ku da mulkinku na tabbata abin da muka aikata a baya, mu ne zamu ɗauki ɗanƙon sa. Rayuwa ta ishe ni, amma ku ku cigaba. Allah ya yafe muku, ku yafe mana.”






Bashir ya tsaya kallonsu, hawaye na sauka a hankali daga idonsa. Bai ce komai ba sai kawai ya durƙusa gaban su. A cikin ransa yana jin nauyin alheri da tausayin da suka cakuda.


Bayan ficewar su, ya tsaya a tsakiyar ƙauyen Rimi, mutane suka taru suna kallon sa. Sai murya tasa ta ɗauka cikin nutsuwa amma da ƙarfi, kamar muryar jagora daga sama:
“Ba zan bar wannan ƙauye cikin duhu ba. wuri ne da mahaifiyata ta zauna, da ni na taso cikin wahala zan mayar da wannan ƙauye gida mai alfahari. Za a sake shi, za a sabunta shi.”






A nan ya umarci Sagir da Muhsin da su kira injiniyoyi daga Kaduna da Abuja.
A cikin kwanaki kaɗan, manyan motoci suka shigo ƙauyen — da injuna, da kayan aikin gine-gine, da manyan injiniyoyi da ma’aikata.


Tsoffin gine-ginen da suka yi dutse suka rushe, sabbin gine-gine suka fara tashi. Aka zuba ruwa a rijiyoyi, aka gina makarantar firamare da sakandare, aka kafa cibiyar lafiya, har ma aka shimfiɗa layin wutar lantarki.


Mutanen ƙauye suka kasa boye farin ciki. Wani dattijo ya durƙusa yana kuka yana cewa:
“Tun asalin ƙauyen nan, ba mu taba ganin irin haka ba. Wani jini ne da Allah ya aiko mana daga sama.”




Bashir ya tsaya a bakin titi, yana kallon sabuwar al’umma da ke farawa daga ƙasa. Mommy ta matsa kusa da shi tana murmushi, ta ce:
“Gaskiya kana da zuciyar jagora. Kamar yadda mahaifiyarka ta yi mafarkin taimakon jama’a — yau kai ka cika ta da hannunka.”
ya kalli sararin sama, ya ɗaga hannunsa da tawali’u “Ba saboda ni ba don su ne — waɗanda suka yi rayuwa cikin duhu amma suka bar mana darasi wannan ƙauye, zai zama shaida ta gaskiya da ƙaddara.”






A nan aka ɗora tambarin “NOOR RENEWAL PROJECT”, ƙarƙashin kulawar Hon. Bashir Ummul-Kulsum Foundation.
Daga wannan rana, ƙauyen da aka manta da shi, ya zama cibiyar alheri da canji — kuma su Mallam Audu da Baaba suka rayu cikin tausayin Allah har zuwa ƙarshen numfashinsu.




Shikkinan Rayuwa...







########






Rayuwa ta ja layinta — Daddy ɗin Rayyan daga baya ya sake aure. Ya samu kwanciyar hankali bayan tsawon shekaru na rikice-rikice da baƙin ciki.
Rayyan kuwa, bayan mutuwar Abdul da duk abubuwan da suka faru, ya koma Dubai tare da matarsa ya zabi ya tafi nesa da komai — nesa da tsohon ciwo, nesa da tunanin baya.
A can, yana kallon sararin sama a bakin teku, yana tuna irin tafiyar da suka yi daga duhu zuwa haske.


"Allah ya yafe mana baki ɗaya..."
Yace cikin nutsuwa, yayin da iska ke busa gashin kansa.
Zuciyarsa cike da jimami, amma shiru na nutsuwa ya rufe masa rai.
Rayuwar ta ci gaba, kamar yadda lokaci baya tsaya wa kowa.




$$$$$$$$$
A wani bakin teku a Dubai, dare ne iskar ruwa tana kadawa a hankali wata cike yake yana haskaka fuskar Raiza da Rayyan. Kidan piano mai laushi yana tashi a baya


Raiza: (ta saki murmushi tana kallon sama)
Rayyan… kana ganin wannan watan? Kamar yana murmushi mana yau.
Rayyan yana matsowa kusa da ita
"Idan watar tana murmushi, to saboda ke. Wani haske kika zuba cikin rayuwata da ya fi kowane haske da na taɓa gani"


Raiza ta ɗan sunkuyar da kai tana wasa da yatsunta "Ka manta rayuwa bata da tabbas gobe ma zata iya juya mana baya...


Rayyan ya ɗago fuskarta da yatsunsa
to, idan ta juya, zan sake kama hannunki. Domin ko ina take kai ni, ni dai ke nake so — ba lokacin bane, ba duniyar ba — ke ce tawa har abada.


Raiza: (ta rufe idonta, hawaye masu daɗi na fita)
" Rayyan… I love you fiyyeda a baya wannan so ɗin na da gaskiya, kamar addu’a."


Rayyan yana rungumeta a hankali
Ni ma ina son ki, Raiza. Allah ya san ban taɓa jin kwanciyar hankali irin wanda ke cikin zuciyata yanzu ba.




Rayyan yana dariya, yana sumbatar goshinta
Ba zan bari ki tafi ba. Wani lokaci, soyayya bata bukatar kalma — sai dai shiru da fahimta. Kuma shiru ɗin nan, shi ne muryar zuciyata zuwa taki.


[


AFTER ONE YEAR


Rayyan ya zauna a gaban Raiza, hannu a cikin nata, little Jiddah ta zauna a cikinsu tana dariya ƙanana, idonta na kyalli kamar tauraruwa.
Raiza ta kalli Rayyan cikin shauƙi, murmushi ya bayyana a fuskarta:
"Rayyan… kaga ga yadda rayuwarmu ta canza, duk wahaloli sun zama tarihi."


Rayyan ya ɗago kai, ido cikin ido da ita, ya shafa kaiyar hannunta a hankali:
"Raiza… kin san dai, babu wata rana da ba na tunawa da dukkan gwagwarmayar ta, amma yanzu… yanzu ina ganin mu ne cike da farin ciki kina cikin rayuwata kamar rana mai haske."


Raiza ta yi murmushi, tana rungume shi da ƙarfi:
"Ni ma ina son ka, har abada… kuma little Jiddah nan zata kasance alamar soyayyar mu."Little Jiddah ta miƙe hannayenta, tana ihu cikin ƙauna "Daddy… Mommy… ina son ku!"






Daren ya ci gaba da lullube su cikin annashuwa, hasken fitila da taurari suna kyalli a saman, murmushi da dariya na ɗaukar wuri a cikin gidan. Rayyan ya ɗaga Raiza cikin numfashi mai tsanani, ya sumbace ta a hankali, sannan ya kalli little Jiddah:
"Zamu kula da ke har abada, karamar zuciya mai daraja."


Raiza ta jingina kanta a kafadarsa, idonta cikin annashuwa, zuciyarta cike da soyayya, Rayyan kuma yana jin dadin ganin iyalinsa cikin lafiya da farin ciki.







Wallahi ya yi kyau ƙwarai kuma cikakke! 💫
Wannan ƙarshe ɗinki ya haɗa komai: darasi, godiya, tausayi, ƙaddara da soyayya.


Ga ƴan ƙaramin gyara da zai sa rubutun ya zama kamar ƙarshe na littafi na ƙwararriyar marubuciya, ba tare da canza ma’anar ki ba 👇




---


KARSHEN LABARI


Alhamdulillah!
Alhamdulillah!
Alhamdulillah!


🌟 Duk wahala, azaba, da rashin adalci sun zama tarihi. Yanzu rayuwa cike take da farin ciki, soyayya da kyakkyawan makoma. 🌟


Duk wani tsanani da wahalar rayuwa wata rana zai zama tamkar labari. Farin ciki baya tabbata, haka bakin ciki ma baya dawwama.


Maijidda, wacce ta haifi Rayyan cikin firgici, ta sadaukar da rayuwarta domin ya rayu. Duk da cewa kishiyarta ta yi ƙoƙarin kashe shi, Allah — Mai rayarwa kuma Mai kashewa — ne ya kare shi. Daga ƙarshe Rayyan ya yi aure, ya sanya wa ‘yarsa suna Jiddatulkhair, sunan mahaifiyarsa mai daraja.


Bashir, haihuwarsa cike take da tsoro da tausayi. Mugunta da rashin imani sun tura shi barin gari ba tare da ya yi ban kwana da masoyiyyarsa ta yarinta ba — wacce ta sadaukar da farin cikinta domin alkawarin dawowarsa. Amma Allah shi ne Mai tsara ƙaddara: wani baya auren matar wani, haka wata bata auren mijin da Allah bai ƙaddarta mata ba. Wannan shi ne asalin soyayya mara ƙarewa.


Anan nake kawo ƙarshen wannan labari nawa, ina neman afuwarku bisa jinkirin posting da wasu ƙaramin kurakurai.
Kuskuren da na aikata a sani ko a rashin sani — Astagfirullah!




---


Wanda ke son sanin labarin:


SUHAYL


LITTLE NOOR


Sirrin Taqaddarar da Ummu Kulsum ta ɓoye


Sirrin kashe uwar Suhayl


Da Masarautar Al-Qamar




To ya shirya, domin labarin LITTLE NOOR zai biyo nan ba da jimawa ba, tunda Suhayl ya fita daga wannan littafi saboda laifin gudu. 😅


📞 08101235739




MY NEXT BOOKS COMING SOON 💐


1️⃣ DR SADEEQ — Romantic Love Comedy Drama
2️⃣ ƘAMSHIN DUHU 🌔
3️⃣ MASHIƘIYYA CE
4️⃣ RUHIN MARAICE
5️⃣ LUDAYEN JEMAGE
6.. LITTLE NOOR






MY PUBLISHED BOOKS 📚


1. MIJIN MAGE




2. DUHU CIKIN HASKE




3. FARASHIN SO




4. MAI CIKI CE




5. RUHI BIYU




6. PRINCESS RAHILAT




7. AHLIN LAASHKAR




8. MADOBIN IDO




9. RAYUWAR UMMAH




10. BAYAN WATA




11. BIYYAYA GA UWA




12. HANYAR RUWA




13. ZAƁIN ZUCIYA




14. ƘADANGAREN BAKIN TULU








Tammat bi Hamdillah. 🌺
Alhamdulillahi Rabbil ‘Alamin.